#wirsagenDANKE!

Hoi und danke vellmol, dass du Teil vo Handball Wohle besch (glaub eus, mer wörded dech sösch vermisse)!

A dere Coronapandemie isch ned wörkli vell erfreulech. Usser öppis: Sie zeigt, wie starch de Zämehalt vo Handball Wohle esch. Denn obwohl euses Vereinslebe wege de vielne Schutzmassnahme lang iigschränkt worde esch, esches för dech selbstverständlech gsi, dass du wiiterhin en Teil vo eusere Sportfamilie wettisch bliibe. 

Dadeför es riesegrosses DANKESCHÖN! Denn Handball Wohle esch ned nur de Vorstand. Handball Wohle, das sind treui Vereinsmitglieder wo während de Pandemie zeiged, wie wichtig ihne eusi Gmeinschaft vo Handballbegeisterte esch. Und das sind Mitglieder wo sech jetzt druf freued, dass euses Vereinsläbe endlich, endlich immer meh wieder im gwohnte Rahme chan stattfinde. 

Danke der vo Herze deför, dass au för die kommendi Saison de Mitgliederbiitrag überwiese werd. Es isch schön zwösse, dass euse Verein au in Zuekonft of dech dörf zelle und das esch i so usefordernde Ziite schliesslich alles andere als selbstverständlech. 

Liebi (und hoffentlich bald wieder "harzigi") Grüess, 

Handball Wohlen